تاريخ ۾ پهريون ڀيرو، پاڪستان جو جھنڊو کورڻ واريءَ جنھن عورت جو ذڪر ڪيو وڃي ٿو، اھا ھئي بيگم صغرا ھدايت الله، جيڪا آل انڊيا مسلم ليگ وومين ڪاميٽيءَ جي صدر پڻ ھئي، سندس جنم جو ھنڌ سنڌ جو تاريخي شھر شڪارپور آھي، تن ڏينھن جي رواج مطابق کيس گھر ۾ تعليم ڏياري وئي۔

بيگم صغرا ھدايت الله جي شادي غلام حسين ھدايت الله نالي ھڪ جوان سان ٿي، جيڪو تازو ئي لندن مان وڪالت جي اعليٰ تعليم پوري ڪري وطن واپس وريو ھو۔

ان وقت ھندوستان تي انگريزن جو راڄ ھو ۽ سنڌ بمبئي پريزيڊنسي ۾ شامل ڪئي وئي ھئي تڏھن نوجوان سياستدان کي بمبئي پريزيڊنسي طرفان صدر چونڊيو ويو ۽ ھو اٺن سالن تائين وزير رھيو، جڏھن مسلم ليگ عورتن جي سب ڪاميٽي جوڙي وئي ته ان جو صدر بيگم صغرا کي چونڊيو ويو۔

سندس ساٿي ڪارڪنن ۾ بيگم شعبان ۽ مس ولي محمد جا نالا ذڪر جوڳا آهن ھن ڪاميٽيءَ جو پھريون اجلاس ڪراچي شهر جي گانڌي گارڊن ۾ ٿيو ان اجلاس کي بيگم هدايت الله ۽ بيگم شفيع خطاب ڪيو۔